Bakı. Trend:
ABŞ-nin "Oak Hill" amfibiya nəqliyyat limanı göyərtəsində dəniz piyadalarının bir dəstəsi ilə cümə axşamı Kiprin Larnaka limanına daxil olub.
Trend-in məlumatına görə, bu barədə ABŞ 6-cı Əməliyyat Donanması xəbər verib
Məlumata əsasən, böyük "Oak Hill" desant gəmisi "Wasp" universal desant gəmisi və "New-York" helikopter dok gəmisi ilə birlikdə Amerika amfibiya eniş qrupuna daxildir. Qrupun gəmilərində 24-cü Dəniz Ekspedisiya Batalyonu yerləşdirilib. "Wasp" gəmisində həm də beşinci nəsil "F-35 Lightning II" döyüş təyyarələri də saxlanılır.
Qrup Şərqi Aralıq dənizində, Yaxın Şərqdə vəziyyətin gərgin olduğu bir vaxtda İsrailə yaxın ərazidə fəaliyyət göstərir.