Bakı. Trend:
Misirin şərqində, Süveyş kanalı yaxınlığında hərbi helikopterin qəzaya uğraması nəticəsində iki Hərbi Hava Qüvvələri zabiti həyatını itirib.
Trend-in məlumatına görə, hadisə barədə Misir Silahlı Qüvvələrinin rəsmi nümayəndəsi Qərib Əbdül Hafiz məlumat verib.
O bildirib ki, helikopter Süveyş kanalının sahilində yerləşən Şaluf bölgəsində Hərbi Hava Qüvvələrinin planlı təlimi zamanı qəzaya uğrayıb.
İlkin məlumata görə, qəzanın texniki nasazlıq nəticəsində baş verdiyi qeyd edilir.