Bakı. Trend:
ABŞ prezidenti Co Bayden Demokratlar Partiyasından olan namizəd, vitse-prezident Kamala Harrisin ardınca respublikaçı Donald Trampa zəng edib.
Trend-in məlumatına görə, bu barədə jurnalistlərə Ağ Evdən bildiriblər.
Bildirilib ki, Co Bayden Trampı prezident seçkilərində qələbəsi münasibətilə təbrik edib.
Məlumata əsasən, Bayden çərşənbə günü Kamala Harrisə zəng edib, “həmçinin yeni seçilən prezident Trampla telefonla danışıb və onu qələbəsi münasibətilə təbrik edib”.
Bayden "hakimiyyətin səlis keçidini təmin edilməsinə sadiqliyini qeyd etdi" və həmçinin Trampı Ağ Evdə görüşə dəvət etdi.