Bakı. Trend:
Yəmənli husilər Neqev səhrasında yerləşən İsrailin Nevatim hərbi bazasına "Fələstin-2" adlı hipersəsli ballistik raketlə hücum edib.
Trend-in "Al-Arabiya News"a istinadən verdiyi xəbərə görə, bu barədə qruplaşmanın hərbi sözçüsü Yəhya Saria məlumat verib.
Həmçinin, husilərin Yəmənin Əl-Cauf əyalətinin hava məkanında ABŞ-a məxsus "MQ-9 Reaper" pilotsuz təyyarəsini vurduğu bildirilib.
Bu məlumatı husilərin nəzarətində olan "Al-Masirah" telekanalı yayımlayıb.