Bakı. Trend:
Türkiyənin Nuakşotdakı səfiri Burhan Köroğlu Dəməşqdəki səfirliyin müvəqqəti işlər vəkili vəzifəsinə təyin olunub.
Trend Türkiyə mətbuatına istinadən xəbər verir ki, Suriyada 53 illik Əsəd rejiminin süqutundan sonra Türkiyə 12 il əvvəl bağladığı Dəməşq səfirliyini yenidən fəaliyyətə başlayır.
Türkiyə Xarici İşlər Nazirliyinin məlumatına görə, bu addım iki ölkə arasında diplomatik əlaqələrin bərpası istiqamətində atılıb.
Qeyd edək ki, Türkiyə səfirliyi Suriyada dinc nümayişçilərə qarşı zorakılıq aktlarının başladığı dövrdə fəaliyyətini davam etdirib. Lakin 26 mart 2012-ci ildə yaranan siyasi şərait səbəbindən səfirlik fəaliyyətini dayandıraraq Türkiyəyə qayıdıb.
Bu qərar Türkiyə və Suriya arasındakı münasibətlərin normallaşması prosesində mühüm addım kimi qiymətləndirilir.