Bakı. Trend:
Terorrçular və ya “təcrid olunmuş dövlətlər” dinc insanlara ziyan vurmaq üçün süni intellektdən sui-istifadə edə bilər.
Trend xəbər verir ki, bunu “Google” korporasiyasının keçmiş baş icraçı direktoru Erik Şmidt BBC-yə verdiyi müsahibədə bildirib.
Şmidt süni intellektin ekstremal riskləri ilə bağlı narahatlığını ifadə edib. 2001-2017-ci illərdə “Google”ın başında olmuş milyarder, Şimali Koreya, İran və hətta Rusiya kimi dövlətlərin bioloji silahlar yaratmaq üçün süni intellekt texnologiyalarından sui-istifadə edə biləcəyini dilə gətirib.
“Şər niyyətlər güdən Şimali Koreyanı və ya İranı, hətta Rusiyanı düşünün. Onlar bu texnologiyaları kifayət qədər tez mənimsəyib ondan sui-istifadə edə bilə və real ziyan vura bilərlər”, - deyə Şmidt müsahibədə bildirib.