Bakı. Trend:
İkitərəfli pnevmoniya keçirən Papa Fransiskin vəziyyəti ağır olaraq qalır.
Trend-in məlumatına görə, bu barədə Müqəddəs Taxt-Tacın mətbuat xidməti bildirib.
Məlumata əsasən, 88 yaşlı Roma Papasında böyrək çatışmazlığının əlamətləri müşahidə olunur.
"Roma Papasının vəziyyəti kritik olaraq qalır, baxmayaraq ki, o, [bir gün əvvəl olduğu kimi] tənəffüs böhranını təkrarlamayıb. Bəzi qan testləri indi nəzarət altında olan erkən yüngül böyrək çatışmazlığını göstərir. Burun boruları vasitəsilə yüksək axınlı oksigen terapiyası davam edir", - deyə qeyd olunub.
Papanın huşunun yerində olduğu bildirilib.