Bakı. Trend:
Çin hakimiyyəti ABŞ-yə xəbərdarlıq edərək, öz maraqlarını qorumaq üçün əlavə tədbirlər görməyə hazır olduqlarını bildirib.
Trend xəbər verir ki, bu barədə Çin KİV-i məlumat yayıb.
“Çin artıq öz suverenliyini, təhlükəsizliyini və inkişaf maraqlarını qorumaq üçün qətiyyətli addımlar atıb. Gələcəkdə də bu cür tədbirləri görməyə hazırdır”, – deyə ÇXR rəhbərliyinin bəyanatında qeyd olunub.
Bəyanatda vurğulanır ki, Çin gərginlik yaratmaq niyyətində deyil, eyni zamanda gərginliyin artmasından da çəkinmir. “Təzyiq və təhdidlər vasitəsilə Pekinlə münasibət qurmaq yalnış yanaşmadır”, – deyə Çin tərəfi bildirib.
Pekin əlavə edib ki, ABŞ ilə iqtisadi münasibətlər qarşılıqlı fayda prinsipi əsasında qurulmalıdır və bu səbəbdən Vaşinqton Pekinə qarşı tətbiq olunan tarifləri ləğv etməlidir.