Bakı. Trend:
Böyük Britaniya və ABŞ birgə hipersəsli raket mühərrikinin uğurlu sınağını həyata keçiriblər.
Trend xəbər verir ki, bu barədə Böyük Britaniya Müdafiə Nazirliyinin bəyanatında məlumat verilib.
Bəyanatda bildirilir ki, britaniyalı alimlər, Böyük Britaniya hökuməti, sənayesi və ABŞ hökuməti arasında sıx əməkdaşlıq sayəsində hipersəsli mühərrikin əsas sınağını uğurla başa çatdırıblar.
Hipersəsli mühərrik sistemi, qabaqcıl hipersəsli qanadlı raketin prototipini təchiz etmək üçün nəzərdə tutulub. Sınaqlar altı həftə ərzində aparılıb.