Bakı. Trend:
ABŞ prezidenti Donald Trampın “sərt tarif siyasəti” dünya birjalarında təlatümə səbəb olmağa davam edir. Avropa və Asiyanın qiymətli kağızlar bazarlarında son on illərin ən kəskin tənəzzülü müşahidə olunur.
Trend xəbər verir ki, bu barədə xarici KİV-lər məlumat yayıb.
Məlumata görə, Britaniyanın London birjasında FTSE 100 indeksi 4,9 faiz aşağı düşüb. Almaniya fond birjasının isə əsas indekslərindən sayılan Dax - nə az, nə çox 10% faiz tənəzzül edib.
Almaniyanın gələcək kansleri Fridrix Mertz vəziyyətin drammatik olduğunu və bundan da betər olma təhlükəsi daşıdığını xəbərdar edib.