Bakı. Trend:
Biz faktiki olaraq Kollektiv Təhlükəsizlik Müqaviləsi Təşkilatından (KTMT) çıxmışıq.
Trend erməni KİV-ə istinadən xəbər verir ki, bunu Ermənistan parlamentinin spikeri Alen Simonyan jurnalistlərin suallarını cavablandırarkən deyib.
Jurnalist ondan Ermənistanın bu strukturdan nə üçün indiyə kimi çıxmadığını soruşub. Erməni siyasətçi buna cavabında deyib:
“Biz faktiki olaraq çıxmışıq. Qalanını isə bizim siyasi məqsədyönlülüyümüzə və apardığımız danışıqlara həvalə edin”.
Bundan əvvəl, noyabrın 26-da Ermənistanın xarici işlər nazirinin müavini Mnaçakan Safaryan jurnalistlərə açıqlamasında hazırkı mərhələdə Ermənistan hökumətinin Kollektiv Təhlükəsizlik Müqaviləsi Təşkilatından çıxmaq imkanını nəzərdən keçirmədiyini bildirmişdi.