Sankt-Peterburq şəhəri yaxınlığında cümə günü Mi-8 hərbi vertolyotunun qəza enişi nəticəsində yeddi nəfər xəsarət alıb. Bu barədə RİA Novosti-yə Müdafiə Nazirliyinin mətbuat xidmətindən xəbər veriblər.
"Sankt-Peterburq yaxınlığında plan uçuşu zamanı texniki səbəblərə görə Müdafiə Nazirliyinin Mi-8 vertolyotu qəza enişi edib. Ekipaj üzvləri də daxil olmaqla, vertolyotda yeddi nəfər olub. Onlar müxtəlif dərəcəli xəsarət alıb və dərhal xəstəxanaya çatdırılıblar", - deyə nazirlik nümayəndəsi bildirib.
Onun sözlərinə görə, hazırda zərər çəkənlərə tibbi yardım göstərilir.