ATƏT Parlament Assambleyasında gürcü nümayəndə heyəti etnik prinsiplə gürcülərin Rusiyada təqib edilməsi məsələsini gündəliyə çıxarmaq niyyətindədir. Gürcü nümayəndə heyətinin üzvü Lali Papiaşvili "Qafqaz press"ə bildirib ki, bu məsələni gürcü tərəfi ATƏT PA sessiyası qarşısında qaldırıb.
Gürcü nümayəndə heyəti fevralın 20-də ATƏT PA-nın iclasında iştirak üçün Vyanaya (Avstriya) yola düşəcək. Nümayəndə heyətinə Gürcüstan parlamentinin sədri Nino Burcanadze başçılıq edəcək. Bu barədə Trend xəbər verir.