Gürcüstanın NATO-ya daxil olması istiqamətində irəliləyiş hiss olunur. Bu barədə bu gün jurnalistlərə ABŞ-ın Gürcüstandakı səfiri Con Tefft bəyan edib. Bu gün o, "Rustaveli" kinoteatrında "Növbəti dayanacaq - NATO" filminin təqdimat mərasimində iştirak edib. Tefft NATO-ya uğurla daxil olmaq üçün dövlətə üç istiqamətdə islahatlar aparmaq lazımdır - demokrtiyanın gücləndirilməsi, iqtisadiyyat və hərbi sahədə vəziyyətin yaxşılaşdırılması.
Trend in Tiflisdəki xüsusi müxbirinin məlumatına əsasən, ABŞ səfirinin bəyanatı, NATO-nun fəaliyyəti haqqında sənədli film və ümumilikdə layihənin özü Gürcüstan-NATO münasibətlərinə cəmiyyətin diqqətini cəlb etməkdir.