Trend xəbər verir ki, İranın müdafiə naziri Mustafa Məhəmməd-Nəccar çərşənbə günü ölkəsinin İraqa silah tədarük etməsi barədə ABŞ-ın iddialarını qəti şəkildə təkzib edib.
"İRNA" agentliyinə müsahibəsində briqada generalı M.Məhəmməd-Nəccar İranın İraqa silah və hərbi sursat tədarük etməsi barədə ABŞ-ın iddialarını "tamamilə yalan" adlandırıb.
Onun sözlərinə görə, bu ittihamlar "Yaxın Şərq regionu ölkələri arasında ziddiyyətin yaradılmasına yönəlmiş psixoloji müharibənin elementləridir".