Ağ Evin mətbuat katibi Toni Snou bəyan edib ki, ABŞ prezidenti Corc Buş yaxın zamanlarda qoşunların İraqdan çıxarılması imkanlarını nəzərdən keçirmir. "Hazırda qoşunların təcili çıxarılması barədə müzakirələr aparılmır" - deyə o bildirib. Mətbuat katibinin sözələrinə görə, prezident dəfələrlə qeyd edib ki, qoşunların çıxarılması optimal şərait və müvafiq imkanlar yaranan zaman həyata keçiriləcək. RBK-nın "Assosiated Press"ə istinadən verdiyi məlumatda belə bildirilir.
"Hərbi məsələnin siyasi həllini tapmaq cəhdləri faydasızdır" - deyə Snou bildirib.
Mətbuat katibi bəzi konqresmenlərin İraqda kontingentin artırılmasının nəticə verməməsi barədə söylədiklərinə fikir bildirərkən həmçinin qeyd edib ki, tezliklə nəticələr gözləmək məqsədəuyğun deyil.
Hansısa bir prosesin əvvəlində bütün tələblərin yerinə yetirilməsini gözləmk düzgün deyil" - deyə Snou bildirib və qeyd edib ki, İraqa bu yaxınlarda əlavə olaraq daha 21,5 min əsgər yola salınıb.
Trend-in ən mühüm və maraqlı xəbərlərini "Telegram"da izləyin
.jpg)
.jpg)
