Azərbaycan, Bakı, 13 iyun /Trend, müxbir İlkin İzzət /
Bakı 2015 birinci Avropa Oyunlarında güləş yarışlarının ilk günündə Azərbaycan komandasına ilk medalı təmsilçimiz Elman Muxtarov qazandırıb.
Trend xəbər verir ki, Heydər Əliyev adına İdman Sarayında keçirilən yunan-Roma güləşçilərinin yarışında 59 kq çəki dərəcəsində mübarizə aparan Azərbaycan güləşisi Elman Muxtarov 3-cü yer uğrunda mübarizədə Ermənistan təmsilçisi Roman Amoyanla qarşılaşıb.
Pəhləvanımız erməniyə heç bir şans verməyib. İlk hissəni 6:1 hesabı ilə öz xeyrinə başa vuran Elman bu üstünlüyünü görüşün sonunadək qoruya bilib. Nəticədə düşmən ölkə təmsilçisinə 9:1 hesabı ilə vaxtından əvvəl tam qələbə ilə qalib gələn E.Muxtarov I Avropa Oyunlarının bürünc mükafatçısı olub.
59 kq
1/8 final - Elman Muxtarov - Gizo Meladze (Gürcüstan) 5:3
1/4 final - Elman Muxtarov - Stig-Andre Berg (Norveç) 7:6
1/2 final - Elman Muxtarov - Stepan Maryanyan (Rusiya) 3:11
Bürünc medal görüşü - Roman Amoyan (Ermənistan) - Elman Muxtarov 1:9
Qedy edək ki, 59 kq çəki dərəcəsində yarışların qızıl medalını Rusiya, gümüş medalı isə Belarus təmsilçisi qazanıb.
