...

Elşad Xose reper həmkarını "sağ ol" əvəzinə yumruqla "mükafatlandırdı"

Mədəniyyət Materials 27 Oktyabr 2011 16:30
Reperlər Elşad Xose ilə Hüseyn Dərya müğənni Emil Bədəlovun toyunda baş verən arzuolunmaz hadisənin səbəbkarı oldular.
Elşad Xose reper həmkarını "sağ ol" əvəzinə yumruqla "mükafatlandırdı"

Trend-i buradan izləyin

Azərbaycan, Bakı, 27 oktyabr /Trend, müxbir Ş.Cavadsoy/

Reperlər Elşad Xose ilə Hüseyn Dərya müğənni Emil Bədəlovun toyunda baş verən arzuolunmaz hadisənin səbəbkarı oldular. Məclisdə gələcək həyat yoldaşı rəqqasə Oksana Rəsulova ilə birlikdə iştirak edən Elşad, Hüseyn onların masasına yaxınlaşıb "inşallah, toyunuz nə vaxtdır" deyənə qədər olduqca şən əhval-ruhiyyədə idi.

Hadisə şahidinin Trend-ə verdiyi məlumata görə, düşmən münasibətində olduğu həmkarından təbriki qəbul etməyən Xose "sağ ol" əvəzinə Dəryanı yumruqla "mükafatlandırıb". Aldığı zərbə nəticəsində digər masadakı xanımlardan birinin üstünə yıxılsa da, Hüseyn mübahisəni davam etdirmədən sakit şəkildə restoranı tərk edib.

Trend-ə açıqlamasında həmkarını vurmaqdan qəti şəkildə peşmançılıq çəkmədiyini söyləyən Xose, özünə belə haqq qazandırdı. "O, layiq olduğu cavabı aldı. Utanmadan verilişlərdə, saytlarda Oksana ilə münasibətlərimizdən ironiya ilə danışır. Üz-üzə gələndə isə təbrik etməyə cürəti çatır. Yaxşı etdim, qoy, ona dərs olsun. Bir də lazımsız yerə haqqımızda danışmasın", - Elşad belə dedi.

Xəbər lenti

Xəbər lenti