Azərbaycan, Bakı, 28 fevral /Trend/
Avropa Yayımları Birliyi 2012-ci ildə Uşaq "Eurovision" mahnı müsabiqəsinin (Junior Eurovision) dekabrın 1-də Amsterdamda keçiriləcəyini elan edib.
Trend-in çərşənbə axşamı eurovision.az saytına istinadən yaydığı məlumata görə, şou 4000-dək tamaşaçı tutumuna malik HMH arenasında olacaq. Bu konsert zalı mükəmməl akustikası ilə məşhurdur. Biletlərin satışına yay mövsümündən start veriləcək.
Amsterdamdakı bu şounun aparıcıları da məlumdur. Onlar "Junior Eurovision 2007"-nin aparıcısı Kim-Lian van der Meij və Evout Genemansdır.
Qeyd edək ki, Uşaq "Eurovision" mahnı müsabiqəsi 10-cu dəfədir təşkil olunur.