Azərbaycan, Bakı, 5 mart /Trend/
Azərbaycanın "Eurovision 2012" mahnı müsabiqəsindəki təmsilçisi Səbinə Babayevanın may ayında Bakıdakı şouda ifa edəcəyi mahnının münsiflər heyəti tərəfindən seçimləri aparılır.
Trend-in bazar ertəsi müsabiqənin rəsmi saytına istinadən yaydığı məlumata görə, Səbinə Babayevanın "Eurovision" mahnısı yaxın iki həftə ərzində təqdim olunacaq.
Xatırladaq ki, Səbinə Babayeva fevralın 12-də keçirilən milli seçimlərin final mərhələsində 5 ifaçı arasından Azərbaycanın "Eurovision 2012" təmsilçisi seçilib.
Azərbaycan 57-ci "Eurovision" mahnı müsabiqəsinin mayın 26-da keçiriləcək final mərhələsində çıxış edəcək.