Bakı. Elçin Mehdiyev - Trend:
Azərbaycan Ermənistanın Hindistandan silah alması ilə bağlı erməni KİV-lərində yayılan məlumatları araşdırır.
Trend-in məlumatına görə, bunu mətbuat konfransında Azərbaycan Xarici İşlər Nazirliyinin (XİN) mətbuat xidmətinin rəhbəri Hikmət Hacıyev deyib.
H.Hacıyev qeyd edib ki, Azərbaycanın Hindistandakı səfirliyinə bu məlumatı araşdırmaq barədə tapşırıq verilib:
“Hindistandakı diplomatik nümayəndəliyimizə Ermənistan KİV-lərdə yer alan bu məlumatların nə dərəcə doğru olduğunu dəqiqləşdirmək və zərurət olarsa, bu məsələ ilə bağlı Hindistan tərəfi ilə görüşmək təlimatı vermişik”.