Bakı. Rufiz Hafizoğlu - Trend:
Türkiyənin cənubundakı Adana vilayətində baş vermiş yol qəzasında Azərbaycan vətəndaşı xəsarət alıb.
Trend-in məlumatına görə, sürücünün idarəetməni itirməsi nəticəsində avtomobil dərəyə düşüb.
Məlumata görə, qəza nəticəsində 6 nəfər xəsarət alıb. Onlardan beş nəfərin Türkiyə vətəndaşı olduğu bildirilir.
Qeyd olunur ki, xəsarət alanlardan biri 33 yaşlı Azərbaycan vətəndaşı Aygün Hüseynova olub.
Xəsarət alanların vəziyyəti normal qiymətləndirilir.