Bakı. Trend:
Çinin şimal-şərqindəki Heyluntzan əyalətində yerləşən Heyhe şəhərində ictimai nəqliyyatın hərəkatı dayandırılıb.
Trend İnterfaks-a istinadən xəbər verir ki, şəhər rəhbərliyi bu tədbir barədə qərarı epidemioloji vəziyyətlə əlaqədar qəbul edib.
Qadağa avtobuslara və taksilərə aiddir. İşin bərpası barədə sonra məlumat veriləcək.
Daha əvvəl bildirilmişdi ki, 1 yanvar tarixindən etibarən Heyhe sakinləri səlahiyyətlilərin qərarına uyğun olaraq, şəhərdən hava yolu ilə çıxa bilməzlər.