Bakı. Trend:
Tədqiqatçılar əvvəlcədən quraşdırılmış zərərli proqram təminatı ilə gələn "Android" cihazlarının artan tendensiyası ilə bağlı həyəcan təbili çalırlar.
Trend-in məlumatına görə, "Play Store"-dan endirdiyiniz proqramı asanlıqla silə bilsəniz də, sistem proqramlarına və ya cihaz proqramlarına daxil edilmiş zərərli proqramları silmək olduqca çətin məsələdir.
"Trend Micro" tərəfindən təhlil edilən proqram təminatı şəkillərinin əksəriyyətində səssiz plaginlər kimi müəyyən edilmiş kod fraqmentləri movcuddur. Bu plaginlərdən bəziləri kibercinayətkarlara "Android" cihazlarını icarəyə götürməyə və onlardan giriş etimadnaməsini və ya digər həssas istifadəçi məlumatlarını oğurlamaq üçün istifadə etməyə imkan verir.
Tədqiqatçılar hesab edirlər ki, milyonlarla yoluxmuş cihaz bütün dünyada istifadə olunur, onların əksəriyyəti Şərqi Avropa və Cənub-Şərqi Asiyada cəmləşib. Maraqlıdır ki, cinayətkarlar özləri 8,9 milyon "Android" cihazında səssiz plaginlər quraşdırdıqlarını iddia edirlər.
Bu səbəblərə görə, "Google" "Google Play Protect"-i təkmilləşdirmək və "Android" cihazlarında əvvəlcədən quraşdırılmış proqramları zərərli davranışa qarşı izləmək imkanlarını genişləndirmək üçün əhəmiyyətli səylər göstərir. Tədqiqatçıların mövzu ilə bağlı tövsiyəsi ondan ibarətdir ki, siz cihazınızı daha yaxşı təchizat zəncirinin təhlükəsizliyinə malik şirkətlərdən (məsələn, "Samsung" və "Google") seçəsiniz.