Bakı. Trend:
“Anonymous Sudan” adlı haker qrupu “Microsoft”u sındıraraq 30 milyon istifadəçinin məlumatını əldə etdiyini iddia edib.
Trend-in məlumatına görə, bildirilib ki, sözügedən istifadəçi məlumatlarına “Microsoft” hesablarının e-poçt ünvanları və şifrələri daxildir. Qrup ələ keçirdiyini iddia etdiyi məlumatları 50.000 dollara satıb. O, həmçinin sübut kimi 100 hesabdan ibarət nümunə yerləşdirib.
“Microsoft” sözçüsü, sistemlərinin təhlilində məlumat sızmasına dair heç bir dəlil tapa bilmədiklərini paylaşıb. Bu bəyanatdan başqa yeni açıqlama verilməyib.