Bakı. Trend:
ABŞ Müdafiə Nazirliyi (Pentaqon) “naməlum uçan obyektlər” (UFO) haqqında “naməlum anomal hadisələr” adlanan məxfi məlumatların təqdim edilməsi üçün yeni internet saytı istifadəyə verib.
Trend-in məlumatına görə, Pentaqonun sözçüsü Patrick Ryder dünən verdiyi mətbuat şərhində, Pentaqonun UFO-ları anlamaq səylərini dəstəkləmək üçün Bütün Sahələrdə Anomaliyaların Həlli Ofisi (AARO) tərəfindən idarə olunan "www.aaro.mil" internet saytını yaratdıqlarını açıqlayıb.
Vebsayt təsdiqlənmiş və ictimaiyyətə açıqlanmış UAP hallarının videoları və fotoşəkilləri daxil olmaqla məlumat təqdim edəcəkdir. P.Ryder həmçinin qeyd etdi ki, saytda hesabat indeksləri, tez-tez verilən suallar bölməsi, rəsmi hesabatlar, transkriptlər, press-relizlər və cəmiyyətin faydalana biləcəyi digər resurslar var. Pentaqon AARO-nun UFO-larla bağlı işlərini ictimaiyyətə şəffaf şəkildə təqdim etmək öhdəliyini vurğulayıb.