Bakı. Trend:
Beynəlxalq Valyuta Fondunun (BVF) İcraçı Direktorlar Şurası mart ayında təsdiq edilən geniş kreditləşmə mexanizmi çərçivəsində Ukraynaya növbəti 900 milyon dollarlıq tranşın ayrılmasını təsdiqləyib.
Trend-in məlumatına görə, bu barədə BVF-nin bəyanatında bildirilib.
"BVF-nin İcraçı Direktorlar Şurası bu gün Ukrayna üçün Təqribən 900 milyon dollar ekvivalentində vəsaitin ayrılmasına imkan verəcək Genişləndirilmiş Kredit Mexanizminin ikinci baxışını başa çatdırıb", - deyə qeyd olunub.
BVF-nin hesablamalarına görə, Kiyevin iqtisadi siyasətinin həyata keçirilməsi “ümumiyyətlə plana uyğun gedir”.