Azərbaycan, Gədəbəy, 21 yanvar / Trend , müxbir G.Rafiqqızı/ Gədəbəy rayonunda ağır cinayət hadisəsi baş verib. Gədəbəy rayon Polis idarəsinin rəis müavini Fəzail Məmmədov bazar ertəsi Trend ə bildirib ki, rayonun Daryurd kənd sakini, 1973-cü il təvəllüdlü Yaşar Saleh oğlu Cəfərov ailə münaqişəsi zəmnində dünən axşam saatlarında anasını qətlə yetirib.
Məmmədov bildirib ki, ruhi xəstə olan Cəfərov anası, 1944-cü il təvəllüdlü Məleykə Səlim qızı Cəfərovanı stula vuraraq öldürüb və hadisə yerindən qaçıb.
Bu gün səhər saatlarında Gədəbəy RPİ əməkdaşlarının keçirdikləri əməliyyat- axtarış tədbirləri nəticəsində, Cəfərov rayonun yaxınlığındakı meşədə tutulub. Hadisə ilə bağlı araşdırma aparılır.
