Azərbaycan, Bakı, 26 noyabr / Trend , müxbir S.Kazımlı / Bakının Binəqədi rayonunda milliyətcə rus zəhərlənmədən ölüb. Bu barədə Binəqədi rayon Prokurorluğundan cümə axşamı Trend -a məlumat verilib.
Rayon Prokurorluğundan bildiriblər ki, Bakı sakini 45 yaşlı Yuri Solov noyabrın 25-də zəhərlənmə diaqnozu ilə xəstəxanaya yerləşdirilib. Dünən günün ikinci yarsında isə o, xəstəxanada ölüb.
İlkin araşdırma zamanı Solovun noyabrın 25-də toy məclisində spirtli içki və həmin gün axşam bilməyərəkdən evdə sirkə turşusu içdiyi məlum olub.
Faktla bağlı Binəqədi rayon Prokurorluğunda araşdırma aparılır.
Məqalə müəllifi ilə əlaqə ünvanı:[email protected]