Azərbaycan, Lənkəran, 11 dekabr / Trend müxbir P.Əliyeva/ Azərbaycanın cənubunda yerləşən (paytaxt Bakıdan 240 kilometr aralı) Masallı rayonunda bu il intihar hadisələri artıb.
Masallı rayon prokuroru Rizvan Həsənov Trend -a bildirib ki, bu il rayonda 12 intihar hadisəsi baş verib ki, bu da ötən ilkindən 3 fakt çoxdur.
İntihar edənlərin 8 -i kişidir. İntiharlar daha çox asma yoli ilə baş verib.
Prokurorun sözlərinə görə, intihar edənlərin əksəriyyəti psixi durumunda problemlər olanlar, əsəb və digər ağır xəstəliklərdən əziyyət çəkənlərdir və əsasən, özünə qəsd edənlər, əsasən,18 - 40 yaşlılardır.
Ümumdünya Səhiyyə Təşkilatının məlumatına görə, hər il təxminən 1 milyon adam özünü öldürür. Bu rəqəmin təxminən 1 faizi Azərbaycanın payına düşür.Dünyada intiharların sayına görə birinci yeri Macarıstan və İsveç bölüşür. Son iki ildə Azərbaycanda da belə statistika aparılır.
Səhiyyə Nazirliyinin baş psixiatrı Gəray Gəraybəyli bildirib ki, dünyada özünə qəsd edən insanların təxminən 15 faizi psixi xəstələrdir.
Gəraybəyli deyib ki, intihar üzrə dünyada cavanlar arasında qadınlar, orta yaşlılar arasında kişilər üstünlük təşkil edir.
Məqalə müəllifi ilə əlaqə ünvanı: [email protected]
