Azərbaycan, Lənkəran, 18 noyabr / Trend , müxbir P.Əliyeva/
Azərbaycanın cənubunda yerləşən Masallı rayonunda (paytaxt Bakıdan 220 kilometr aralı) 20 ev sel suları altında qalıb, çərşənbə günü Trend -a rayon Fövqəladə Hallar Komissiyasının sədri Nadir Abıyev məlumat verib.
"Noyabrın 17-si səhərdən başlayan aramsız yağışlar nəticəsində Cəlilabadın Göytəpə çayından gələn suyun səviyyəsi qalxıb və nəticədə Masallının Yazqıraq çayının da səviyyəsi artıb. Buna görə Masallının Təklə kəndinin 20 evi su altında qalıb", - Abıyev deyib.
Onun sözlərinə görə, sel nəticəsində kəndin 100 hektardan artıq taxıl sahəsinə də ciddi ziyan dəyib. Hazırda əhaliyə dəyən ziyanın miqdarı müəyyənləşdirilir.
Məqalə müəllifi ilə əlaqə ünvanı: [email protected]