Azərbaycan, Bakı, 6 avqust /Trend, müxbir K.Zərbalıyeva/
Bakının Qaradağ rayonu ərazisində 20 və 283 nömrəli sərnişin avtobusları yolayrıcında toqquşublar. Bu barədə Trend-ə Qaradağ rayon polis şöbəsinin növbətçi hissəsindən bildiriblər. Fakt üzrə Polis İdarəsi tərəfindən 263-cü maddə (yol hərəkəti qaydalarının və nəqliyyat vasitələrinin istismarının pozulması) üzrə cinayət işi qaldırılıb.
Yol qəzası nəticəsində səkkiz nəfər xəsarət alıb. Bu barədə Trend-ə qəzadan sonra yaralıların gətirildiyi Bakı şəhər Təcili və Təxirəsalınmaz Tibbi Yardım Stansiyasından bildiriblər.
Bütün xəsarət alanların vəziyyəti həkimlər tərəfindən orta ağır qiymətləndirilir.
Hadisə "Sədərək" ticarət mərkəzinin yaxınlığında baş verib.