Azərbaycan, Bakı, 29 oktyabr /Trend, müxbir K.Zərbalıyeva/
Bakıda sərnişin avtobusu "VAZ 2106" markalı avtomobillə toqquşub.
Sabunçu Rayon Polis İdarəsindən cümə günü Trend-ə verilən məlumata görə, bu gün günorta saatlarında Zabrat yolunda 198 saylı marşrutla şəxsi minik avtomobilinin toqquşması nəticəsində 3 nəfər xəsarət alıb.
Xəsarət alanlardan ikisi sürücü, biri isə sərnişindir.
Yaralılar 3 saylı Kliniki Xəstəxanaya yerləşdirilib. Onlardan birinin vəziyyəti ağır, digərlərinin vəziyyəti isə orta-ağır qiymətləndirilir.
Faktla bağlı araşdırma aparılır.