Azərbaycan, Bakı, 25 mart /Trend, müxbir T. Hacıyev/
Qazax rayonu ərazisində baş vermiş yol nəqliyyat hadisəsi nəticəsində 1 nəfər ölüb, 4 nəfər xəsarət alıb. Bu barədə cümə günü Trend-ə Daxili İşlər Nazirliyinin mətbuat xidmətindən məlumat verilib.
Martın 24-də saat 20:40 radələrində Qazax rayonu ərazisində, Xanlıqlar kənd sakini Vüsal Balıyevin idarə etdiyi "VAZ-2107" markalı və Ağköynək kənd sakini Kamil Poladovun idarə etdiyi "Rexton" markalı avtomaşınlar toqquşub. Nəticədə Balıyevin sərnişini Pərvin Eyvazov hadisə yerində ölüb. Xəsarət almış Balıyev və digər sərnişinləri - Emin Eminov, Rüfət Əliyev və Nahid Musayev isə xəstəxanaya yerləşdiriliblər.