Azərbaycan, Bakı, 22 aprel /Trend, müxbir K.Zərbalıyeva/
Bu gün səhər saatlarında Hacıqabulda avtobus aşıb, ölən və yaralananlar var.
Respublika Baş Dövlət Yol Polisi İdarəsindən Trend-ə verilən məlumata görə, bu gün saat 10:00 radələrində Bakı-Qazax yolunun 112-ci kilometrliyində "Hyundai" markalı avtobus aşıb.
Avtobusun Heydər Əliyev adına Bakı Dərin Özüllər Zavoduna məxsus olduğu bildirilir.
Hadisə zamanı sərnişinlərdən biri hadisə yerində keçinib, 10-dan artıq sərnişin xəsarət alıb.
Avtobusun aşmasına güclü küləyin səbəb olduğu ehtimal edilir.