Azərbaycan, Bakı, 5 iyul /Trend, müxbir K.Zərbalıyeva/
Bərdə rayonunda ağır yol qəzası olub, 4 nəfər xəsarət alıb.
Trend-in Daxili İşlər Nazirliyinin rəsmi saytına istinadən verdiyi məlumata görə, iyulun 4-də saat 22:15 radələrində Bərdə rayonunun Cəyirli kəndi ərazisində kənd sakini Səbuhi Quliyevin idarə etdiyi "VAZ-2106" markalı və Həsənqaya kənd sakini Canpolad Qasımovun idarə etdiyi "VAZ-21011" markalı avtomaşınlar toqquşub.
Nəticədə xəsarət almış hər 2 sürücü və Qasımovun sərnişinləri - arvadı Qəndab və oğlu Yaşar xəstəxanaya yerləşdiriliblər.
Bərdə rayon polis şöbəsi tərəfindən araşdırma aparılır.