Gürcüstan, Tbilisi, 10 avqust /Trend, müxbir N.Kirsxaliya/
Hazırda Tbilisinin Metex körpüsü yaxnlığında Kür çayında xilasedicilər bir şəxsi axtarırlar. Onlar suda yardım istəyən gənc oğlanı gördüyünü bildirən vətəndaş tərəfindən çağrılıblar.
Axtarışlar hələ ki nəticə verməyib.
Xilasedicilər yalnız içində sənədlər olan çanta tapıblar. Sənədlər Türkiyə vətəndaşı Murad Gündüzə məxsusdur. Onun özünə qəsd məqsədilə, yaxud ehtiyatsızlıqdan çaya düşməsi məlum deyil.
Hadisə yerinə Türkiyənin Gürcüstandakı səfirliyinin nümayəndəsi gəlib.