Azərbaycan, Bakı, 17 oktyabr /Trend, müxbir K.Zərbalıyeva/
Daxili İşlər Nazirliyi polis əməkdaşının intiharı ilə bağlı məlumat yayıb.
Trend-in bazar ertəsi Daxili İşlər Nazirliyinin internet saytına istinadən yaydığı məlumatda bildirilir ki, oktyabrın 16-da saat 18:45 radələrində Biləsuvar rayon polis şöbəsinin əməkdaşı, polis serjantı Orxan Abbasov evlərində atasına məxsus "Kral" markalı ov tüfəngindən atəş açaraq özünü öldürüb.
Faktla bağlı rayon prokurorluğunda Cinayət Məcəlləsinin özünü öldürmə həddinə çatdırma (125-ci) maddəsi ilə cinayət işi başlanıb.