Azərbaycan, Bakı, 29 oktyabr /Trend, müxbir K.Zərbalıyeva/
Sumqayıt şəhər polisi saxta sürücülük vəsiqəsi ilə avtomobili idarə edən şəxsi saxlayıb.
Trend-in şənbə günü Daxili İşlər Nazirliyinin internet saytına istinadən verdiyi məlumata görə, oktyabrın 28-də Sumqayıt şəhər Polis İdarəsinin əməkdaşları tərəfindən şəhər sakini Rəfayel Bağırova Rusiya Federasiyası DİN-in Nazran şəhər Baş Dövlət Yol Polisi İdarəsinin Qeydiyyat imtahan şöbəsi tərəfindən verilmiş sürücülük vəsiqəsinin saxta olması müəyyən edilib.
Araşdırmalar zamanı Bağırovun sürücülük vəsiqəsini Sumqayıt şəhər sakini Vüsal Nəzərovdan alması müəyyən edilib.
Bağırov və Nəzərov saxlanılıblar.