Azərbaycan, Bakı, 31 oktyabr /Trend, müxbir T.Hacıyev/
Fövqəladə Hallar Nazirliyinin (FHN) "qaynar xətt"inə Bakı şəhəri Xətai rayonunda partlayıcı qurğu ehtimal olunan şübhəli əşyaların aşkarlanması barədə məlumat daxil olub. Bu barədə bazar ertəsi Trend-ə FHN-dən məlumat verilib.
Dərhal nazirliyin müvafiq qurumlarının mütəxəssisləri lazımi tədbirlərin görülməsi üçün hadisə yerinə cəlb edilib və aidiyyəti qurumlar məlumatlandırılıblar. Nazirliyin mütəxəssisləri tərəfindən hadisə yerinə baxış keçirilərkən aşkarlanmış əşyaların 4 ədəd fişəng olduğu müəyyən edilib.
Aşkarlanmış fişənglər xilasedicilər tərəfindən aidiyyəti üzrə təhvil verilib. Nazirliyin mütəxəssisləri hüquq-mühafizə orqanlarının əməkdaşları ilə birgə ərazidə müvafiq təhlükəsizlik tədbirləri görüblər.