Azərbaycan, Bakı, 10 fevral / Trend müxbir K.Zərbalıyeva/
Bakıda törədilən ağır yol qəzalarının baş verməsi onu göstəriri ki, sürücülər avtomobili yüksək sürətlə idarə edirlər, işıqforu qırmızı işığında keçirlər. Bunu cümə günü Trend-ə Bakı şəhər Dövlət Yol Polisi İdarəsinin bölmə rəisi Vaqif Əsədov bildirib.
Videodakı görüntülər "Təhlükəsiz Şəhər" sisteminin kameraları vasitəsilə qeydə alınıb.
Qeyd edək ki, ötən il respublika ərazisində 2890 yol-nəqliyyat hadisəsi baş verib ki, nəticədə 1016 nəfər həlak olub, 3031 nəfər isə yaralanıb. 2010-cu illə müqayisədə yol-nəqliyyat hadisələrinin sayı 6,2 faiz (169 fakt), həlak olanların sayı 9,8 faiz (91 nəfər), yaralananların sayı isə 5,6 faiz (160 nəfər) artıb.