Azərbaycan, Bakı, 21 fevral / Trend müxbir K.Zərbalıyeva/
Bakı-Qazax yolunda yanacaqdaşıyan yük avtomobili qəzaya uğrayıb.
Trend-in Fövqəladə Hallar Nazirliyinin rəsmi saytına istinadən verdiyi məlumata görə, Bakı şəhəri, Qaradağ rayonunda Bakı-Qazax yolunun 66-cı kilometrliyində "MAZ" markalı yanacaqdaşıyan yük avtomobili qəzaya uğrayıb.
Qəza zamanı yanğın hadisəsi baş verməyib.
Qəzanın nəticələri aradan qaldırılanadək yanğınsöndürənlər hadisə yerində növbə çəkiblər. Hadisə ilə əlaqədar müvafiq qurumlar tərəfindən təhqiqat aparılır.