Bakıda polislər avtomobil qəzasına düşüb, xəsarət alanlar var
Azərbaycan, Bakı, 3 mart / Trend müxbir K.Zərbalıyeva/
Bakıda dünən post-patrul xidmətinə məsxsus avtomobil qəzaya düşüb, 3 polis əməkdaşı xəsarət alıb.
Nizami rayon prokuroluğundan Trend-ə verilən məlumata görə, dünən axşam Qara Qarayev prospekti 1 ünvanında 90 AF 481 nömrə nişanlı "Fiat Dablo"markalı avtomobil idarə etməni itirib və maneəyə çırpılıb.
Nəticədə avtomobildə olan polis kapitanı, Firdovsi Məmmədov və iki serjant - Mehdiyev Nəsib Əşrəf oğlu və Xəlilov Qoşqar Allahverdi oğlu ağır xəsarətlər alıblar.
Yaralılar ağır vəziyyətdə xəstəxanaya yerləşdirilib.
Faktla bağlı rayon polis idarəsində cinayət işi başlanıb.
