Azərbaycan, Bakı, 29 iyun /Trend, müxbir E.İsmayılov/
İyunun 28-də axşam və gecə saatlarında yağan güclü yagışlar nəticəsində əmələ gələn sel axınlarının təsirindən Göranboy rayonunun Ağcakənd istiqamətinə gedən qaz kəməri zədələnib.
"Azəriqaz" İstehsalat Birliyinin mətbuat xidmətindən Trend-ə daxil olan məlumata görə, bunun nəticəsində rayonun bir neçə yaşayış məntəqəsi, o cümlədən Aşağı Ağcakənd, Səfikürd, Abbasqulular, Şəfibəyli, Hacallı, Qarqucaq, Şəfəq, Zeyvə, Meşəli, Rus Borisi, Tatarlı kəndlərinin təbii qaz təchizatında məhdudiyyətlər yaranıb.
"Azəriqaz" İB-nin regional xidmətləri sel nəticəsində zədələnmiş qaz kəmərlərində təmir-bərpa işlərinə başlayıblar. Təmir işləri başa çatandan sonra həmin kəndlərin qaz təchizati bərpa olunacaq.