Azərbaycan, Bakı, 13 sentyabr /Trend/
Bakıda iki minik avtomobili toqquşub, xəsarət alan var.
Trend-in Fövqəladə Hallar Nazirliyinin rəsmi saytına istinadən verdiyi məlumata görə, nazirliyin "112" qaynar telefon xəttinə daxil olmuş məlumata əsasən, Bakı şəhəri, Binəqədi rayonunda "VAZ" və "Mercedes" markalı 2 minik avtomobili toqquşub.
Nəticədə, "VAZ" markalı minik avtomobili deformasiyaya uğrayıb, sürücü xəsarət alıb və avtomobildə sıxılmış vəziyyətdə qalıb. Xilasedicilər xüsusi alət və avadanlıqlar vasitəsilə sürücünü avtomobildən çıxararaq Təcili Tibbi Yardım Stansiyasının həkimlərinə təhvil verib, həmçinin ərazidə müvafiq təhlükəsizlik tədbirləri görüblər.