...

Gürcüstan ordusunun azərbaycanlı əsgəri ölüb

Hadisə Materials 23 Noyabr 2012 19:12 (UTC +04:00)
Gürcüstan Müdafiə Nazirliyinin Krtsanisi təlim mərkəzində xidməti vəzifələrini yerinə yetirən Məmməd Quliyev dünyasını dəyişib.
Gürcüstan ordusunun azərbaycanlı əsgəri ölüb

Gürcüstan, Tbilisi, 23 noyabr /Trend, müxbir N.Kirsxaliya/

Gürcüstan Müdafiə Nazirliyinin Krtsanisi təlim mərkəzində xidməti vəzifələrini yerinə yetirən Məmməd Quliyev dünyasını dəyişib.

Trend-in Gürcüstan Müdafiə Nazirliyinə istinadən verdiyi məlumata görə, saat 12:00-da əsgər Quliyev poliqonda xidmətdə olarkən döyüş mərmiləri aşkar edib.

İlkin məlumata görə, o, mərmiləri təkbaşına zərərsizləşdirməyə cəhd edib.

"Ehtiyatsızlıq üzündən mərmi işə düşərək partlayıb. Məmməd Quliyev hadisə yerindəcə ölüb. Hadisə yerinə dərhal Silahlı Qüvvələrin rəhbərliyi və kriminalist-ekspertlər gəliblər. Ölümün dəqiq səbəblərini istintaq müəyyənləşdirəcək. Sıravi Məmməd Quliyev hərbi xidmətə 3 ay əvvəl çağırılıb", - Müdafiə Nazirliyinin bəyanatında deyilir.

Nazirlik Quliyevin ailəsinə dərin hüznlə başsağlığı verir.

Məqalədə:
Xəbər lenti

Xəbər lenti