Azərbaycan, Bakı, 24dekabr /Trend, müxbir K.Zərbalıyeva/
Şamaxıda "Kamaz" aşıb, sürücü ölüb.
Trend-in Fövqəladə Hallar Nazirliyinin rəsmi saytına istinadən verdiyi məlumata görə, Şamaxı rayonu, Bakı-Qazax yolunda vətəndaşa məxsus "Kamaz" markalı yük avtomobili idarəetməni itirərək dərəyə yuvarlanıb.
Hadisə nəticəsində sürücü R.Ağamirzəyev aldığı ağır bədən xəsarətlərindən hadisə yerində ölüb. Sıxılmış meyit yanğınsöndürən-xilasedicilər tərəfindən müxtəlif kəsici alət və avadanlıqlardan istifadə etməklə avtomobildən çıxarılaraq təcili yardım xidmətinə təhvil verilib. Hadisə ilə əlaqədar müvafiq qurumlar tərəfindən təhqiqat aparılır.