Azərbaycan, Bakı, 11 yanvar / Trend, müxbir X.Murtuzayeva/
Rusiyanın Belqorod vilayətinin Qladkovo qəsəbəsində şəxsi evdə baş vermiş yanğında dörd azyaşlı uşaq həlak olub. Evdə yanğın gecə saatlarında başlayıb və sürətlə yayılıb. Bu barədə Trend Layfnyus.ru-ya istinadən xəbər verir.
Uşaqlar sərbəst şəkildə yanan evdən çıxa bilməyiblər. Böyüklər isə hələlik məlum olmayan səbəblərdən onların köməyinə gəlməyib. Yanğına nəyin səbəb olduğu da hələ məlum deyil.
Cəsədlərdən üçü binanın dağıntıları araşdırılandan dərhal sonra, biri isə bir qədər sonra aşkar edilib. Uşaqlardan ikisinin 2007-ci və 2008-ci il təvəllüdlü olduqları məlumdur. Hazırda faciənin baş verdiyi yerdə istintaq və hüquq-mühafizə orqanlarının əməkdaşları çalışır. Onlar habelə yanğın zamanı uşaqların valideynlərinin harada olduqlarını araşdırırlar.