Azərbaycan, Bakı, 9 may /Trend/
Samuxda baş verən kütləvi davada 4 gənc bıçaqlanıb.
Trend Kəpəz TV-yə istinadən xəbər verir ki, Samuxda gecə klublarının birində qanlı hadisə olub. Ötən gecə baş verən kütləvi dava nəticəsində 4 nəfər bıçaqlanıb. Xəsarət almış şəxslər, Goranboy rayon sakinləri - Sahil Abbasov, Məhərrəm Musayev və Ramil Musayev, eləcə də Naftalan sakini Elvin Muradov Gəncə şəhər Təcili Tibbi Yardım Xəstəxanasına çatdırılıb.
Keçirilmiş əməliyyat-axtarış tədbirləri nəticəsində cinayəti törədənlərdən birinin kimliyi müəyyənləşdirilib və saxlanılıb. Həmin şəxs Gəncə sakini İlkin Hüseynovdur.
Cinayətin digər iştirakçılarının tutulub istintaqa cəlb edilməsi istiqamətində əməliyyat-axtarış tədbirləri davam etdirilir.