Azərbaycan, Bakı, 15 may /Trend müxbir İ.İzzət/
Qobustanda mikroavtobusla yük maşını toqquşub, bir nəfər ölüb.
Trend Kanal S-ə istinadən xəbər verir ki, Qobustan rayonu ərazisində, Bakı-Şamaxı-Yevlax yolunun 88-ci km-də yol qəzası baş verib.
Qəza zamanı "90-JN-117" dövlət qeydiyyat nişanlı sərnişin mikroavtobusu ilə "10-JH-767" dövlət nömrə nişanlı "Kamaz" markalı yük avtomobili toqquşub. Qəza zamanı 8 nəfər xəsarət alıb, bir nəfər ölüb. Yaralılardan ikisinin vəziyyəti ağırdır.
Məlumata görə, qəzaya uğrayan sərnişin mikroavtobusu Bakı-İsmayıllı marşurutu üzrə hərəkət edirmiş. Faktla bağlı Baş Dövlət Yol Polisi İdarəsinin İstintaq və Təhqiqat Bölməsində araşdırma aparılır.